ICT Minister in Telecom hotute Meeting a neihpui

Information & Communications Technology Minister, Robert Romawia Royte chuan nimin khan Mizoram chhunga Telecom hotute leh thawktute chu Aizawl-a Secretariat Conference Hall-ah Meeting a neihpui.
He Meeting-ah hian Mizoram sawrkarin lockdown a kalpui chhunga inbiakpawhna, Telecommunication Service tha zawk a awm theihnana hmalak ngai te sawipuiin, Telecom Engineer ten hmun hla leh kalpawh mai theihlohna hmun hrang hranga Network Coverage zau zawk leh tluang zawka neih a nih nana hna an chhunzawm theih nana hmalak dan turte a sawipui a. Vairengte-a Telecom bungrua phur motor tangkhang mek ten Mizoram an lut vat theih nan Minister chuan hma a lak tur thu leh, bungrua phurtu ten mCovid application download a, mpass hmang tangkai tura hrilh turin a ti a. Mizoram chhung a inbiakpawhna service tha a awm reng theih nan VLTF te chu khaw inkar fibre line veng turin a ngen bawk.

Comments

Chhiar Hlawhte