ZPM Thalai ten SEDP sum pawh hmang turin an phut

ZPM Thalaite chuan COVID-19 avanga harsatna hrang hrang kan tawh mekte sutkian a nih theih nan CM Relief Fund sem piah lamah SEDP sum pawh hmang tura sawrkar an phut thu an sawi.
Nimin a thuchhuah an siamah ZPM Party Thalai General Hqrs. chuan COVID-19 laka kan invenna tura inkharkhipna kan kalpui mek avanga loneituten kum dang anga an Lo-te an enkawl theih loh laiin; thli, ruah leh rial-in loneitute huan thlai tam tak a tichhia chu pawi an tih thu an sawi a. Sawrkar chuloneitute zinga harsatna tawkte chhawmdawlna tur ngaihtuahsak turin an ngen a. Hei bakah hian Mizoram pawna zirlai leh hnathawka awm tangkhangte harsatna tawh hriatthiampuia, North East-a State dangin an tih anga sum leh pai-a tanpuina, mimal theuha pe turin an ngen a, zirlaiten Scholarship pe thuai tura sawrkar an ngenna pawh sawrkar in tih hlawh-tlin sak ngei se an ti bawk.
ZPM Thalaite chuan COVID-19 dona atan leh he hri leng avanga chhawmdawl ngaite chhawmdawlna atana Central leh State-in sum a ruahmante dik taka hman a ni em tih an chhui reng tih pawh sawiin, “Saitual District-a SDRF sum hmanna ah Rs. 5,00,000 (nuai nga) lai tih chingpen nia lang hi chhui chiang vat turin Sawrkar kan hriattir a ni,” an ti a. He pawisa hi hmansual a nih chuan hmuh let a nih ngeina tur leh thil tisualtu in a phu tawk hremna a hmuhna tura sawrkar in hma a lak an duh thu an sawi bawk.
Hei bakah hian PPE hmantlak loh tam tak, a phurh thlenna man-ah ringawt pawh cheng nuai 16 chuang Mizoram in a senna ah engtiang in nge hma a lak tih ZPM Thalaite chuan Mizo-ram sawrkar chu zawtin, “Supplier lakah State dang tih angin FIR a thehlut dawn em? Heng PPE, COVID-19 dona atana hman tlakloh hi a thawnkir leh a ni dawn em? tih kan sawrkar thuneitute kan zawt a ni,” tiin nimin-a an thuchhuah ah hian an tarlang bawk.

Comments

Chhiar Hlawhte