Bialtu MLA hmalakna ZPM in lawmawm an ti

Zoram People’s Movement (ZPM) Party Serchhip Block chuan Serchhip bialtu MLA, Lalduhoma hmalakna chu lawmawm an tih thu an sawi.

Nimin a thuchhuah an siamah ZPM Ser-chhip Block chuan tunhnaiah, Serchhip atanga Aizawl-a phurhthlak Zikhlum chu a tawih nasa tiin, a thartute leh Serchhip tan pawha zahthlak thei tur leh, hmingchhiat theihna tura Video leh thu belhchian dawllo hmanga Social Media lama thu vawrh darh awm thu tarlangin, Serchhip mipui tan a lawmawm lohin a thinrimthlak hle tih an tarlang a.

He thil thleng ah hian ngaihdam dilna awm tawh mah se bialtu MLA, Lalduhoma chuan a Bial tan leh thlai thartute tan hmingchhiat theihna a ni tih hriain, thil awmzia chiang zawka finfiah tha a tih avangin April 20, 2020 (Thawhtanni) khan Sairang-a Cold Storage hmun chu ZPM MLA dangte nen an zuk finfiah tih an thuchhuah ah chuan tarlangin, thawktute lo sawi danin khang Zikhlum hralh bang (lailawk) kha hun rei tak lo dah tawh niin a lo tawih nasa viau tawh zawk a. Hetia an lo dah chhiat/tawih nasat tawh zawk avangin Cold Storage lama lathla tura tih a nih anga la thla ta mai zawk an nih thu leh an lak thlak dawn pawh hian a tawihte paiha thenfai a ngaih nasat hle thu an lo hrilh bawk tih an tarlang. Hetianga a bial mipuite puhchhiatna ni thei te ngai pawimawha bialtu MLA hmalakna chu lawmawm an tih thu ZPM chuan an tarlang a ni.