East Tuipui bialtu MLA in ramri-a Duty te tlawh

Zonuna Kawlni /
Bamboo Link Road Board Vice Chairman leh East Tuipui bialtu MLA, Ramthanmawia chuan zan hnih riakin a bial chhung Myanmar ramri Tiau kai-a Village Level Task Force (VLTF), Police leh Assam Rifle duty na hmun a tlawh a. Ramri-a duty na hmun a tlawh pah hian a bial chhung khaw hrang hrang a fang nghal a, tanpuina Rs. 2,50,000 hu a sem bawk.
East Tuipui bialtu MLA chuan East Tuipui bial chu Myanmar ramri, ral hmatawnga awm a nih avangin Police Force leh Village Task Force te mawhphurhna a san thu leh Mizoram mipui himna chu an kut-ah a awm thu a sawi a. Chhun leh zan pawh sawi thei lo leh mahni In lum pawh luahlum hman lova rampalaileng-a Mizoram a him nana Duty tlaivar thin te chungah lawm thu a sawi bawk.
East Tuipui bialtu MLA hian Police Duty te hnenah COVID-19 laka invenna hmanrua pein, Village Level Task Force te hnenah pawisafai bakah Hand Sanitizer, Mask leh Thingpui lumna hmanrua te a pe a. Sesih, Farkawn, Khawbung leh Bungzung PHC-ah Glove, Hand Sanitizer leh Mask te a pe bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »