Thli leh ruah vanga chhiatna thlengah nunna chan

Nimin chawhnu lama Mizoram hmun hrang hranga thli leh ruah thawkin chhiatna chi hrang hrang thlenin nunna chan mi pakhat an awm.

Nimin chawhnu lama ruah leh thli thawk khan Sairang Dinthar Veng Chengkawl lui bula Bishnu Herman te chenna In chu a bul-a thing tlu in delhin an khum-a mu an fanu, Lallawmkimi (Thla 4) chu a delh a, Sairang damdawi In panpui ni mah se chhan hman lohin a boral a, nimin vek khan vuiliam nghal a ni.

Seling-ah pawh ruah leh thli avang hian chenna In 2 chimin hliam tuar mi 2 an awm bawk a, heng mite hi damdawi In panpui nghal an ni a, ngaihtuahawm erawh an nilo nia thudawn a ni a, Seling-ah hian In dang 5 te pawh thli hian a len chhe vek bawk. Tuikhurhlu-ah chenna In 5 chu Thli in a chung a la a, Thingsul Tlangnuam-ah In pakhat chu luahzui tlak loha chhiain In dang 5 pawh Thli hian a chung a la bawk.