Hmarchhak State 5 in Coronavirus Case an neilo

Zonuna Kawlni /
India hmarchhak State pariat (8) zinga State panga (5)-in Corona-virus kai an nei lova, State dang pathum pawhin ni engemawzat kalta atang khan COVID-19 Case thar an neilo.
Union Minister of State for Development of North Eastern Region (DoNER), Dr. Jitendea Singh chuan niminpiah khan he thu hi a sawi a, DoNER Minister chuan India hmarchhak State 5- Sikkim, Nagaland, Arunachal Pradesh, Manipur leh Tripura te chu Coronavirus kai awmlohna an nih thu sawiin, State dang pathum zingah Assam-in Coronavirus positive case 8, Meghalaya in 11 leh Mizoram in pakhat an nei tih a sawi a, heng Positive Case awm mekte pawh hi negative mai tura beisei an ni tawh tih a sawi bawk.
DoNER Minister hian Mizoram, Meghalaya, Arunachal Pradesh leh Manipur atanga Coronavirus infection leh a kai enkawlna, na zual bikte enkawlna leh damdawi lam inenkawlna (Health Care) tihchangtlunna atana project siam tharte chu an dawn tawh thu leh ngaihtuah anih tur thu sawiin, heng project-te hi ngaih pawimawh bik an nih tur thu a sawi a, inkharkhip kalpui anih hma atang tawhin hmarchhak state-te tan cheng Vbc. 25 Ministry of DoNER chuan a dah thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »