Thlai leh thei lakluh tam tawh

COVID-19 avanga Lockdown chhunga kut-hnathawktuten an thlai thar leh thei an hralh theihna tur leh mipuiin ei tur an neih theih nana hma la tura din, Vegetables and Fruits Supply Chain hmalakna avangin March 28,2020 atanga nimin, April 27, 2020 tlai dar 5:00 thlengin Aizawl  khaw chhungah Mizoram thlai thar trip 152 leh ram pawn atangin trip 7 lakluh a ni tawh a. COVID-19 Vegetables and Fruits Supply Chain hnuaiah Home hrang hrang 9 (Pakua) hnenah a thlawnin thlai (Bawkbawn leh Zikhlum) vawi 14 pek a ni tawh a,  Aizawl Veng hrang hrang, Local Level Task Force (LLTF) 78 in vawi 127 an veng mipuite tan thei leh thlai chawhmeh an lak sak tawh bawk a. Institution hrang hrangte, Hospital leh Venghimtu sipai leh Sahuan telin a vaiin Institution (Pawl ho) 16 in chawhmeh thlai vawi 21 an la tawh bawk a ni.

Sawrkar thuchhuah tarlan danin COVID-19 Vegetables and Fruits Supply Chain hnuaia April ni 27,2020 thlenga thei leh thlai leina atana senso hi Rs. 10,010,013/- a ni a, hralh chhuah tawh zat chu Rs. 94,34,997/- a ni a. Hei bakah hian District zawng zawngah hmalak mek zel a ni. Horticulture Department chuan District hrang hranga Division 8 leh Sub-Division 4-ah te Thlai chi an semchhuak bawk a ni.

Comments

Chhiar Hlawhte