Scholarship-ah sawrkar in hma la zui mek zel

Mizoram Scholarship Board (MSB) chuan zirlaite hnenah Pre-Matric leh Post-Matric Scholarship pekchhuah tuma hmalak mek a nih thu an sawi.
Nimin-a thuchhuah an siamah MSB chuan kum 2017 atang khan Ministry of Tribal Affairs chuan Pre-Matric leh Post-Matric Scholarship pekchhuah dan a tidanglam tih sawiin, Scholarship pawisa kum khat chhung mamawh a pek thin kha kum 2017 atang chuan instalment in a pek thu ;ej 1st Instalment-ah mamawh chanve, 2nd Instalment-ah 1st Instalment hman zawhna Utilisation Certificate leh Statement of Expenditure thehluh hnuah 2nd Instalment hi a rawn sanction/release leh chauh thin tih sawiin, nikum (2019) pawh khan Second instalment hi May thla ah a rawn pechhuak chauh tih an sawi.
MSB chuan kumin hian 1st Instalment cheng nuai 2227.53 chu Ministry of Tribal Affairs atangin hmuh a nih tawh thu leh hei hi Mizoram chhunga HSSLC, College zawng zawng leh zirna In thenkhat, a daih chin te chu lockdown hma, February, 2020 khan pek vek tawh an nih thu an sawi a. 2nd Instalment cheng nuai 2267.62 chu Central atanga rawn sanction leh tur niin March thla a dawn hman beisei a nih thu leh Lockdown avangin rawn sanction theih a ni ta lo tih sawiin, ram pawn zirlaite leh Mizoram chhunga zirna In hrang hrang RIPANS, IGNOU, ZMC, Computer Institution hrang hrang, IASE, SCERT, NIELIT, Mizoram Nursing Institution leh DIET te pawh 2nd Instalment atanga pek tura ruahman an nih thu an tarlang a. 2nd Instalment hi nghah mek a nih thu leh Ministry of Tribal Affairs in a sanction veleh ramchhung leh rampawna zirlaite hnenah pek chhuah vat tum a ni tih an sawi a. higher & Technical Education Minister, Dr. R. Lalthangliana chuan Tribal Affairs Ministry hotute pawh zuk biain, hun reilo te chhungin sanction hi hmuh theih beisei a nih thu an sawi bawk.

Comments

Chhiar Hlawhte