COVID-19 Medical Operational Team in Lunglei tlawh

COVID-19 chungchanga hmalakna leh dinhmunte zirchiang tura Mizoram sawrkar-in a din, COVID-19 Medical Operational Team chuan nimin khan Lunglei thlengin Lunglei District Level Task Force on COVID-19 te nen inkawmna an nei nghal.
Lunglei DC Conference Hall-a he inkawmna ah hian COVID-19 Medical Operational Team Chairman, Dr. ZR. Thiamsanga MLA chuan khawvel pum tibuai mektu COVID-19 hripui beih let kawngah Sawrkarin theihtawpa hma a lak zel thu sawiin, Mizoram chu India ram State te zingah inbuatsaih hmasa ber leh hmahruaitu te zinga mi kan nih thu a sawi a. Hrileng ven hna chu Health Department mal chauh tih theih a ni lova, kan zavaia kan thawhho chhunzawm zel a tul a ni, a ti bawk. Lunglei District-ah hian VLTF 129 awmin heng te hi Village Council 113 leh Sub-Village 16 an ni a, Police mi 200 chuang duty in Dan bawhchhia man mi 5 an awm tawh bawk a ni.

Comments

Chhiar Hlawhte