Latest News

EMRS sakna tur lung phum

Social Welfare Minister, Dr. K. Beichhua chuan nimin khan Siaha bul, Noaotlah khuaa cheng vbc. 24 senga Eklavya Model Residential School (EMRS) sakna tur lungphum a phum.
He hunah hian Social Welfare Minister chuan he School dinna tura Noaotla khawtlangin phal taka ram an pe chu lawmawm a tih thu a sawi a. Cheng nuai 3 sem tur chungchangah eptu ten nuihzat thin tih pawh sawiin, Pathian zarah a kaihhruai AH & Vety, Fishery and Sericulture chuan sem theih turin an peih tep tawh tih a sawi a, “District tinah a dawng tur thlangchhuaktu tur, DC kaihhruaina hnuaiah Selection Board din tawh a ni,” a ti a. Sawrkar flagship programme SEDP hnuaiah Social Rehabilitation Bored pawhin State sawrkar sum cheng nuai 1000 hmangin ruihhlo ngaite enkawlna tur hmun Sethawn, Kolasib District-ah Jordan Centre din that hna chak takin a thawk mek tih a sawi bawk. Tun tuma EMRS sakna tur lungphum hi Siaha District-a a pahnihna tur niin Tipa khua-ah pakhat sak zawh tep a ni a, EMRS Noaotla hi Perpetual Construction & Consultancy Services te sak tur niin zirlai mipa leh hmeichhia 240 ve ve awm theihna tur a ni.

Comments

Chhiar Hlawhte