Phullem phahna atan rampawn sum puk tur dap

Sports Minister, Robert Romawia Royte chuan Mizoram chu Fur ruahtui tlak tamna a nih avangin phullem phah anih loh chuan Football khelmual tha leh pawmtlak a awm thei lo a, phullem phahna turin rampawn lam atanga sum puk tur dap a ni tih a sawi.
Assembly Session-ah zawhna chhangin Sports Minister chuan Mizoram-ah Football khelh uar ber a ni a, phullem phah a nih loh chuan furtui tlak tamna a nih avangin khelmualte pawn lam mite pawm tlak a ni thei lo a, hei vang hian Football khelmual-ah te a theih anga tam phullem phah tum a ni a, Externally Aided Project hnuaiah ram pawn lam atanga sum puk tur dap a ni, a ti. Tun dinhmuna sawrkarin phullem phah a tumna te chu Muallungthu, Chite Veng, Tuivamit, Durtlang, Zemabawk, Hlimen, 1st MAP Ground Armed Veng, Edenthar Field Aizawl, Mitla Mual Zemabawk, Lengpui, Saidan Kolasib, Khawzawl Mualvawm Field, Saitual, Hnahthial, Siaha leh Thingsen khelmualte a ni tih a sawi a, Thenzawl leh Kawnpui-ah te Football Ground atan phullem phahna tur sum a awm rih loh avangin phah a la ni dawn rih lo tih a sawi bawk a, SAI Centre chu sawrkarin a ngai pawimawh a, Kolasib-ah din mek a ni a, Champhai-ah pawh SAI Centre nei tura hmalak tum a ni, a ti bawk.

Comments

Chhiar Hlawhte