Member hlui sunna nei

Nimin-a Assembly rorel inkhawmah tun thla ni 16-a chatuan ram pan ta, C. Sangzuala sun a ni.
Nimin a Assembly Rorel inkhawm tan anih veleh hun hmasa berah sunna hun hi hman a ni a, Chief Minister, Zoramthanga chuan C. Sangzuala chanchin tlangpui sawiin, kum 1998 ah MNF Party ticket in Aizawl South-II bial atanga MLA a thlantlin a nih thu te, MLA a nih chhungin Deputy Govt Chief Whit ah ruat a nih thu leh 'Mizo Customary Law Committee' leh 'Mizo-ram Social Defence and Rehabilitation Board' ah te Chairman a nih thu a sawi bawk.
ZPM Legislature Party hruaitu, Lal-duhoma pawhin C. Sangzuala chu Upa C. Sang-zuala tia hriat lar a nih thu leh BD zir zo, Kohhran Upa tlemte zinga mi a ni tih sawiin, Kristian Tlangau leh Kristian Naupang chanchinbu ah te Editor a nih bakah Synod News Letter pawh a lo enkawl tawh a, 'Ral Vengtu' tih chu ama phuah chhuah a ni tih sawiin, Synod Secretary hna pawh term 4 a chelh thu leh tawnhriat ngah tak a nih avangin Inkhawmpui rorel nikhua-ah pawh a thu ngaihchan a ni fo thin a, a taksa chu awm tawh lo mahse, a thlarau leh a sulhnute chu thangtharte hnenah a la awm reng dawn a ni, a ti.
Congress Legislature Party member, KT. Rokhaw pawhin C. Sangzuala chu mi inngaitlawm leh kawm nuam a nih thu te, ruihhlo ngaite tana mi inpe a nih thu te a sawi a, a hna atanga a pension hnu lawka MLA a thlantlin nghal a nih avangin party politics in a tih buai loh a nih thu a sawi a. Congress Member, R. Lalzirliana pawhin C. Sang-zuala chanchin hi sawiin, hemi hnu hian a sunna hun hman zui a ni.

Comments

Chhiar Hlawhte