Serchhip-ah MRF Exclusive Showroom thar hawn a ni

Serchhip-a MRF Exclusive Showroom hmasa ber, TRS Tyre chu nimin chawhma lam khan Gorav Lal Patoa, District Manager, MRF Limited, Silchar chuan Serchhip Dinthar Veng-ah a hawng.

Nimin-a TRS Tyre hawnna hunah hian Gorav Lal Patoa, District Manager, MRF Limited, Silchar chuan MRF Company chu kum 1946 atanga din tan anih thu sawiin, a tir ah chuan balloon siamchhuaktu company a ni a, kum 1960 vel atang khan motor ke siamchhuah hna thawk tanin tunah chuan India ramah Motor ke siamah tumah elpha an awm lo niin a sawi a, kum 40 kalta chhung khan India ramah MRF chu motor ke siam company zingah a chung-nung ber a nih tawh thu a sawiin, Serchhip-a Exclusive Showroom hawn a ni thei ta chu lawmawm a tih thu leh Showroom hawng thei tura hmalatu T. Malsawmdawngliana S/o T. Ro-siama (L), Serchhip Venglai chuangah a lawmthu a sawi bawk.

Nimin a he hun hmanna ah hian Showroom neitu, T. Malsawmdawngliana chuan Serchhip mipuiten harsa taka hmunpui pan kher ngai lova Showroom rate-a motor ke an lei theih nan kum 2016 atang daih tawh a hma an lo lak tawh thu sawiin, rokhawlhna hrang hrang avang a puitlin mai thei anih loh hnuah tuna a hlawhtlinna hmel hmuh tur a awm ta chu lawmawm a tih thu a sawi a, Serchhip mipuite chuan hmunpui pan kher ngai tawh lova awlsam zawka an hnen atanga, MRP aia hniam zawka an lei theih tawh dawn thu a sawi bawk.

TRS Tyre MRF Exclusive Showroom hi Serchhip Dinthar Veng NH. 54 kawngpui an a awm a ni a, Motor ke a te ber atanga a lian ber chi thleng an kawl dawn bakah an hnen atanga motor ke lei te chu waranty tha tak an pe thei dawn bawk tih he dawr neitute chuan an sawi a, nimin a he hun hmanna ah hian mi thenkhat te chuan Motor ke an lei nghal a ni.