IGP (Law & Order) in Serchhip rawn tlawh

/
Mizoram Police IGP (Law & Order), LH. Shanliana IPS chuan nimin khan Serchhip rawn tlawhin zanin atanga KTP General Conference neih tur atana venhimna hna thawh dan tura ruahmanna hrang hrang a rawn enfiah.
IGP (Law & Order), LH, Shanliana hian KTP General Conference neihna tur Pandal chu a tlawh nghal a, KTP General Conference Organising Committee Chairman, Upa Vanlalchhunga leh a thawhpui ten an lo dawngsawng a, khawmpui hmangtute tana Pandal leh a chhehvel lirthei tlan dan tur leh lirthei dahna tura ruahmanna siam te an sawiho a. Hemi hnu hian Serchhip SP Office tlawhin SP Office-a Officer te nen inkawmna neiin he khawmpui neih tura Serchhip mipuite leh Palai rawn kal zawng zawngte himna tura ruahmanna siam te thlirho in, Police te chu mipuite himna tura thawktu an ni tih hriaa thahnem ngai taka an hna thawk turin a fuih a, Traffic Police te pawh lirthei chet dan mumal taka thununa mipuite tana harsatna thleng lo tura theihtawp chhuah turin a fuih nghal bawk a ni.
Hemi hnu nimin tlai khan Serchhip SP Conference Hall-ah he khawmpui neih chhunga venhimna hna thawktu tur Serchhip Police te chuan Meeting neiin Serchhip in KTP General Conference a thlen chhunga an hna thawh dan tur inhrilhhriatna leh in hrilhfiahna an nei leh bawk a, he hun ah hian Serchhip Police hotute chuan mipui ten he khawmpui hi him leh thlamuang taka an hman theihna tura theihtawp chhuah turin Police te chu an chah a. Serchhip mipuite pawh khawmpui neih chhunga lirthei tlan dan tur leh lirthei dahna tura ruahman te tha taka zawma; midangte tana harsatna thlen zawnga awm lo turin an ngen bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »