Vawk lakluh khap a ni

Serchhip District Magistrate, Dr. Lalzir-mawia Chhangte chuan Serchhip District chhungah Vawk leh Vawksa atanga thil siam reng reng lakluh khapna a tichhuak.
Hemi chungchanga thupek a tihchhuah ah District Bawrhdap, Dr. Lalzirmawia Chhangte chuan Serchhio District AH & Vety Officer hnen atanga lehkha an hmuh angin tunlai hian Mizoram-ah Vawk hri, Porcine Reproductive and Respiratory Syndrome (PRRS) leng ala reh lo nia rinhlelh a nih thu leh he hrileng avanga Serchhip District mipuite tan buaina leh harsatna a thlen loh nan Section 144 CrPC hmanga khapna thupek chhuah chu thil tul leh tihloh theihloh ah a ngaih thu a tarlang a.
Hei vang hian Section 144 CrPC 1973 in thuneihna a pek angin, thenawm ram (neighbouring States/Country) leh District dang atanga Vawk leh Vawksa atanga thilsiam reng reng lakluh khap tlat a ni tih thupek a chhuah a. He thupek hi thu leh a awm hma chuan chhuah a nih, Feb. 19, 2020 atanga thla hnih (2) huam tur a nih thu leh thupek zawm lo chu Section 188 IPC dan hmangin hrem theih an ni ang tih a tarlang a. He thupek hian sawrkar atanga phalna neite a huam lovang tih a tarlang bawk.

Comments

Chhiar Hlawhte