House-ah Minister te Demand sawiho tan a ni

/
Assembly Budget Session neih mekah nimin atang khan Minister te Department enkawlna tura sum ruahman chu sawiho tan niin nimin khan Minister pathum te Department enkawlna tura sum ruahman chu sawiho hnuah pawm a ni.
Nimin a Demand for Grants sawi tan ni hian Deputy Chief Minister, Tawnluia Department chanpual hrang hrang atana sum ruahman te chu sawiho hnuah pawm a ni a, heng sum ruahman te hi Personnel & Administrative reforms-ah Rs. 4,29,39,000/-, Public Health Engineering-ah Rs. 2,27,95,17,000/- leh UD&PA Department-ah Rs. 2,04,21,79,000/-, a vaiin Rs. 4,36,46,35,000/- a ni.
Hei bakah hian Cabinet Minister R Lalzirliana Department chan - Art & Culture-ah Rs. 15,08,50,000/-, District Council & Minority Affairs-ah Rs. 4,51,06,49,000/-, Land Resources, Soil & Water Conservation-ah Rs. 22,30,91,000/- leh Power & Electricity Department-ah Rs. 5,43,15,38,000/-, a vaiin Rs 10,31,61,28,000/- leh Minister of State, Lalchhandama Ralte chanpual Printing & Stationary-ah Rs. 15,79,94,000/-, School Education-ah Rs. 15,54,64,28,000/- leh Labour & Employment, Skill & Development & Entrepreneurship-ah Rs. 32,10,35,000/-, a vaiin Rs. 16,02,54,57,000/- te chu pawm a ni. Business Advisory Committee (BAC) ruahman angin Budget Calendar-ah chuan Demand for Grants 2020-21 hi March ni 3, 2020 thleng Session-ah hian sawiho a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »