Kolodyne Music Festival 2020 neih a ni

Kolodyne Music Festival 2020 (KMF-2020) chu Zirtawpni leh Inrinni khan a \umkhatna atan Siaha leh Lawngtlai District ramri, Kawlchaw khaw bula Chhimtuipui (Kolodyne) lui kamah neih a ni.
Siaha leh Lawngtlai DC Office \angkawp in an buatsaih Kolodyne Music Festival 2020 hi Siaha DC, Shashanka Ala-i chuan hawngin Festival chu Chhimtuipui area-a mite a \ha zawnga suihkhawma ke pentirtu atana buatsaih a nih thu sawiin, Festival thupui pathum - bawlhhlawh siam lo zawnga khawsak (Zero Waste Management) zir tur te, ruihhlo laka inthiar-fihlim (Say No to Drugs) tur leh plastic lam chi hmang tam lo (Say No to Plastic) turin he huna tel te chu a chah a ni. He hunah hian Siaha DC, Bhupesh Chaudhary pawhin thu sawiin a tira an suangtuahna, a taka hmuh theih a lo ni ta leh mipuiin an hlutpui em em chu lawmawm a tih thu sawiin, an buatsaih chhan a hlawhtlin ngei a beisei thu a sawi bawk.
Kolodyne Music Festival hi District pahnih - Siaha leh Lawngtlai mipuite tana buatsaih niin, Organising Board-ah pawh District pahnih a\angin aiawh engemaw zat indah ve ve a ni a. He Festival-ah hian Music Concert bakah, ei tur leh hnam thuam chi hrang hrang zawrhna stall hawn niin, a duh tan Chhimtuipuiah lawngleng-a chuan theihna tur buatsaih a ni a. Lui-a chesual an awm loh nan Kawlchaw ‘W’ Branch YMA leh Kawlchaw ‘E’ Branch MTP te an duty reng bawk a ni.

Comments

Chhiar Hlawhte