DoNER Secretary in Azawl khawpui tlawhkual

/
Mizoram-a rawn kal Ministry of Development of North Eastern Region (DoNER) Union Secretary, Dr. Inder Jit Singh chuan nimin khan Aizawl ITI Veng-a Urban Health Centre a tlawh a, hemi hmuna hnathawk te mamawh leh Centre hmun hma enfiahna hun a nei nghal.
Union Secretary Dr. Inder Jit Singh chuan Statistic atanga en in Mizoram in hriselna kawngah harsatna lian tak tak a tawh te zingah Tuberculosis (TB), Cancer leh HIV te a tel thu sawiin, TB, Cancer, a bikin HIV darh zau zelah Mizoram sawrkar chuan hma a lak nasat leh zual a ngai a ni, a ti a. Sawrkar bakah NGOs leh Kohhran ang te pawhin hma la zel turin duhsakna a hlan bawk. Union Secretary chuan DoNER chuan hmasawnna ruhrel (infrastructure) lamah hma a la thei a, amaherawh chu state sawrkar in DoNER hmalakna te a tawiawm loh chuan, sum sen khawhralna a ni, a ti bawk.
Union Secretary chuan ITI Veng-a Urban Health Centre a tlawhna ah hian he Centre in a mamawh te proposal thla khat chhunga DoNER-ah a thlen chuan a rang thei ang bera hma a lo lak tur thu a sawi bawk a. Hemi hnu hian MINECO-a DoNER hnuaia Non-Lapseable Central Pool of Resources (NLCPR) atanga cheng nuai 4624.12 senga sak mek High Court Building leh NLCPR sum cheng nuai 1555.59 senga sak PHQ Building, Khatla ami te pawh a tlawhin Directorate of Sports & Youth Service pawh a tlawh a, Sports lama eizawng tur chherna  hmunpui, Sport Academy chungchang te leh thildangte an lo thlen bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »