CSS Hindi Zirtirtute chungchang sawichhuak

Centrally Sponsored Scheme (CSS) hnuaia Hindi zirtirtu 1305 rawih thin, Central atanga an hlawh tur dawn a nih tak loh avanga tawp ta te chungchang nimin Assembly rorel inkhawmah sawichhuah a ni a. Education Minsiter, Lalchhama Ralte chuan Hindi zirtirtu engemawzat rawih leh tumin Central sawrkar nen indawr chhunzawm zel a ni tih a sawi.

Nimin a hemi chungchang sawihona ah hian Education Minister chuan Hindi zirtirtu ruai leh tur hian sawrkar chuan theihtawpin hma a la tih sawiin, nikum October ni 23 khan central sawrkar chuan a hmaa zirtirtu 1305 lo rawih tawhte chu chhunzawm theih a nih loh thu leh scheme thar anga kalpui a tul thu Mizoram sawrkar a hriattir a, naupang 10 awmna chin School-ah te dil tur an rawn hriattir angin hemi mil hian zirtirtu 950 rawih dilna thlen a ni a, an lo enfiah hnuah central sawrkar chuan nikum December ni 4 khan Hindi zirtirtu 665 lak phalna Mizoram sawrkar a pe a, amaherawh chu hei hi kumin March ni 31 thleng atan chauh a ni a, Academic Session lo awm leh turah pawh rawih chhunzawm phalna dil a ni a, ziaka intiamkamna an siam duh loh avang leh hun lo kal tawhah zirtirtu thawklai te tihtawp thut an lo nih tawh avangin dinhmun nghet zawka rawih theih dan tur Mizoram sawrkar chuan a dap chhunzawm zel a ni, a ti.