Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Mizoram sum dinhmunin hlauhawm chin a kawk tih sawi

Congress |halai, Mizoram Pradesh Youth Congress Committee (MPYCC) chuan Mizoram Economy dinhmun chuan dinhmun hlauhawm chin, a sen a kawk niin an sawi.
Nimin-a thuchhuah an siamah MPYCC chuan MNF sawrkar kal mekah Mizoram Economy dinhmun bihchianna Report Card atana hman ber, Mizoram Economic Survey 2019-20, February ni 18, 2020-a Mizoram Assembly a an pharh takah kum khat lek chhungin Mizoram economy chu a sawprawp chhe chak hle nia tarlangin, “Mizoram Economy dinhmun chuan dinhmun hlauhawm chin a sen a kawk a ni,” an ti a. Budget pumpuia sum indaihlohna, sum puka hnawhkhah ngai hi 'Fiscal Deficit' ti a koh a nih thu tarlangin, “Ram sum leh pai dinhmun economy that leh that loh tehfung atana pawimawh leh awmzei nei ber a ni. Finance Commission chuan Fiscal Deficit chu GSDP atangin 3% aiin a tam tur a ni lo, hemi aia a tam chuan ram sum/economy dinhmun a chhe hle tihna a ni,” tiin “Kum 2019-20 chhunga Fiscal Deficit chu Finance Commission-in a him chin tur atana min tuksak aiin nasa takin MNF in sawrkarna an han chelh hnu hian a sang a, tunah hian Mizoram Fiscal Deficit chu 8.34% laiin a sang a ni,” an ti a, Congress sawrkar kum tawp 2018-2019 khan Mizoram Fiscal Deficit chu 1.58% chauh niin ram sum dinhmun a tha thawkhat hle niin an tarlang bawk.

Comments

Chhiar Hlawhte