Hnatlangpui neih a ni

/
Serchhip-a International Paragliding Accuracy Championship, FAI CAT-II, 2020 neih tur atan Inrinni khan hnatlangpui neih a ni.
Tun thla ni 12 atanga Serchhip Bawngchawm-a International Paragliding Accuracy Championship, FAI CAT-II, 2020 neih tur inbuatsaihna atana hnatlang hi Mizoram Aero-Sports Association (MASA) Serchhip, Serchhip Sub-Hqrs. YMA leh UD&PA Department te tawngkawpin an buatsaih niin he hnatlang-a thawk te hian Sai-liamkawn atanga he intihsiakna neihna tur hmun Bawngchawm leh Zawlpui panna kawnga bawlh-hlawh awm te chharfaiin Welcome Gate siam hna te thawh a nih bakah intihsiakna neihna tur hmunhma senghawia tihfel hna te an thawk a, he hnatlang ah hian Serchhip khawpui chhunga YMA Branch hrang hrang atangin mi 100 chuang zet an thawkchhuak a ni.
He intihsiakna neihna tura tel tur Pilot te chuan Mizoram rawn thleng tan tawhin tun thla ni 12 khian intihsiak hawnna neih a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »