Ailawng kum 100 tlin lawm

Ailawng khua chuan Inrinni khan an khaw kum 100 tlin lawmna neiin bialtu MLA leh Govt. Deputy Chief Whip, Lalrintluanga Sailo chuan a hmanpui a ni.

Ailawng kum 100 tlin lawmna ah hian bialtu MLA chuan Ailawng khaw centenary lawmpuina thu sawiin, sawrkar in hma-sawnna hna a thawh leh a hmachhawp te a sawi a. Nakum maiah kawngpui zauh hna thawh a nih tur thu te leh Dihmunzawl a\angin lei hipna hmangin Ailawng-ah tui lakluh tum a nih thu a sawi a, ramin hma a sawn dawn chuan inlungrual a pawimawh thu a sawi bawk.

Ailawng khua hi Aizawl a\angin KM 26-a hla, Mamit District a awm a ni a. He khua hi February ni 8, 1920-ah an luah \an a, tun din-hmunah In 152 awmin mihring 735 an cheng mek a. Ailawng khua hi Mizo pasal\ha huaisen Khuangchera khua a ni a. Mizorama puk hming-thang ber zinga mi 'Khuangchera puk' bakah Lunglei Puk, Thawmpawnga Puk, Sakei Suk, MNF Puk, Laldenga Puk tih te a awm a ni.

Ailawng Centenary lawmna programme hman rual hian Govt. Deputy Chief Whip, Lal-rintluanga Sailo chuan Ailawng-ah hian Community Based Environment and Eco-Tourism Development Project a hawng nghal a. Cheng nuai 100 senna he project in a tum ber chu Ailawng khaw chhehvel ramngaw humhalh, zinmite hip leh Ailawng khaw mipui tana eizawnna siamsak a ni a. January ni 25, 2019-ah hna bul \an niin he project huamchhungah hian Khuangchera hriatrenga lung chei \hat te, Gallery-cum-Cafeteria sak te, Motor park-na siam hna te, nauban huan cheibawl,  Cable Foot Bridge leh Tracking Route siam te a tel a ni. Visitor Information Centre sak mek niin 3D Theatre te pawh dah tum a ni a. He project kaltlang hian Ailawng khaw mi \hen-khat te chu Sikkim-ah khual chhawn dan zirin, Training of Hospitality of Eco-Tourism ah an tel a ni.