MNF in nuai 3 sem theih a rinawmloh tih sawi

ZPM Vice President, Lalthansanga (Chatea), Ex-MLA chuan Congress sawrkarin kum sawm (10) chhungin nuai khat an sem zo hman lo nia sawiin, MNF sawrkarin nuai thum (3) sem an tum chu an sem theih a rinawm loh tih nimin a Aizawl-a ZPM Chhung Inkhawm ah a sawi a.

MNF chu kum khat an sawrkar tawh chhungin helama an hmalakna hmuh tur a awm lo tih a sawi a. ZPM an sawrkar chuan Leipui (short term) policy leh Lopui (long term) policy hmangin hma an la dawn tih sawiin, “Leipui policy hmangin a tlachawpa intodelh hmasak kan tum anga, a dawtah Lopui policy hmangin ram hmasawnna tur, ram tan chhawr tham tharchhuah tumin kut hnathawktute leh mipui tana dinchhuah pui ngei tura hmalak zel kan tum dawn a ni,” a ti bawk.