KTP General Conference vawi 58-na chu nizan khan Serchhip P&E Veng-a Leisekawt Mual-ah neih tan a ni ta a, he khawmpui-ah hian ‘Felna Hriamhrei’ (Rom 6:13) tih chu thupui-ah hman niin Speaker atan Rev. R. Lalrosiama, Field Secretary, Delhi Mission Field chu hman a ni.
He khawmpui hmang tur hian nimin khan Palai tam ber te chuan Serchhip an rawn thleng a, he thu buatsaih lai thleng hian Palai 12500 velin Serchhip an rawn thleng tawh a ni. Vawiin hian Pandal-ah chawhma lamah Rawngbawlna Report Inkhawm neiin chawhnu lamah Variety Programme hman chhunzawm a ni ang.Dialysis-ah Technician dah
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!