Horti in Rua lakluh la neilo

Deputy Chief Minister, Tawnluia chuan Horticulture Department in Rua lakluh a la nei lo tih a sawi a, hetihrual hian sawrkarin Raw lian chi, Latiflorus leh Brandisii chu chin turin a thlang tih House a hrilh.
Nimin-a Assembly rorel inkhawm ah Mizorama Raw lak luh chungchanga Thorang bialtu MLA, Zodintluanga zawhna Chief Minister aiawha a chhanaah Deputy Chief Minister, Tawnluia hian, Horticulture Department-in Raw chi a la lei lova, sum pawh sen ala awm lo tih a sawi a, hetihlai hian mipuite intodelhna hmanrua atana ruahman zingah a bik takin Raw lian chi chin turin Department in a bawhzui a ni, a ti a, a thu mai ni lo a takin Raw ching turin hmalak a ni tih a sawi.
Deputy Chief Minister, Tawnluia hian, Mizoram-a Mau leh Rua awm sa aia tha zawk chin tur ngaihtuah a nih thu a sawi a, a chi siam thiam Tamil Nadu-a Company pakhat dawr a nih thu leh an duh ang an pek theih an beisei thu a sawi a, Model Plantation atan sawrkar in Lengpui leh Phulpui ramah ram Hetare 250 a ruahman a, Mau ching tur hian mi 220 te an in ziaklut tawh a, heng mi te hi Lengpui-ah mi 120 leh Phulpui mi 100 te an ni, a ti a, Rua chu Mizoram chhunga a theihna hmun apiangah chin tura rua-hman a ni, a ti bawk.

Comments

Chhiar Hlawhte