Latest News

Assessment Camp nei mek

Social Welfare & Tribal Affairs Department hmalakna in tunlai hian Serchhip District chhungah Kum upa (Senior Citizen) leh rualbanlo (Person with Disability) tan Assessment Camp neih mek a ni.
Rashtriya Vayoshri Yojana (RVY) leh ADIP Scheme hnuaia Assessment Camp neih hi tun thla ni 3 atang khan Serchhip District chhungah neih niin Thenzawl, North Vanlaiphai, Khawlailung, East Lungdar, leh Keitum-ah te neih a nih hnuah nimin khan Serchhip-ah neih leh a ni a, he hunah hian Mit, Beng leh ke-a kalna lama harsatna nei te an dinhmun enfiah sak an ni a, heng kawng hrang hranga harsatna nei te hi an dinhmun enfiah sak an nih hnuah a mamawh te hnenah Tarmit, Bengdar leh Wheelchair te sem leh a ni dawn a ni.
He Assessment Camp-a in entirte zingah hian PwD Certificate leh ID la nei lo pawh Certificate an neih theihnan Form fill up sak nghal an ni a, hetianga Assessment Camp neih mek hi Vawiin hian Chhiahtlang leh Chhingchhip-ah neih leh tur a ni ang.

Comments

Popular News (Last 30 Days)