Serchhip ZPM Thalai ten intuaitharna hun an hmang

Zoram Peoples’ Movement (ZPM) Thalai te chuan Inrinni khan ZPM Serchhip Block President, V. Rozamliana Huan, Serchhip Zawlpui-ah intuaitharna an nei.
ZPM Thalai intuaitharna hunah hian bialtu MLA, Lalduhoma chuan a bial in KTP General Conference a thlen tura Pandal sakna chhehvela hmalakna thenkhat hna thawh danah, mi thenkhat in hlawkna duh avanga hna in a tuar khawpa thalo leh rei rin ngamloh tura hna thawh a ni chu thalo a tih thu leh a dem thu sawiin, Serchhip khawtlang tana a thawhpui mi thahnem ngai te pawhin a lungawithlak loh an ti hle tih a sawi a. Hei bakah hian a bial-a International Para-Gliding Accuracy Championship chungchanga Organising Committee hmalakna leh inpekna chu fakawm a tih thu pawh sawiin, chutih laiin State sawrkar lamin engkim buaipuia a kut a awm tura sawi siin engmah tih awm lova Association lamin a buaipui vek si chu thalo a tih thu a sawi a. He intihsiakna neihna tura Pilot te tum hmun (Landing Zone) tur mimal ram leina cheng nuai 32 pawh tun thlenga pek ala ni lo chu mak a tih thu leh thalo a tih thu a sawi bawk.

Comments

Chhiar Hlawhte