Kangmei-ah thupek chhuah

Serchhip District Magistrate chuan kangmei chungchanga thupek chhuahin Lo, huan leh leipui hal tur nei ten March 15, 2020 aia tlai lo-ah hal vek tur a nih thu a tarlang.

Hemi chungchanga January 31, 2020-a thupek a tihchhuah ah District Magistrate chuan |hal lai a nih avangin kangmei laka kan In leh lo, ramngaw leh nung-chate kan him tlan nan khapna thupek chhuah chu thil tul tak a nih thu tarlangin, hei vang hian mi tumahin meilam tha tawk sial hmasa lo chuan lo/huan leh leipui an hal tur a ni lo tih a tarlang a. Mihring nunna leh bungrua/ro tana hlauhawm turin kangmei tihchhuah  tur a nih loh thu te, eirawngbawlna leh ran chaw chhumna leh inti-hlumna tana hman thuk meihawl, khawnvartui, gas, electrict thuk etc. kangmei duhawm lo ti chhuak thei zawngin chelek/hman tur a nih loh thu te, ramhnuai-a meichhem ti mit lova kalsan tur a nih loh thu leh Serchhip District chhunga Lo, Huan, Leipui hal turte chuan March ni 15, 2020 aia tlai lovah hal vek tur a ni tih te a tarlang a. He thupek hi hman nghal tur a nih thu leh thu-pek bawhchhia chu 188IPC hmanga hram theih an nih thu te a tarlang bawk.