YMA in Zu thlawrsa man

Chhekhnai Branch YMA hnuaia Anti-Drug Squad te chuan nizan hmasa khan an Branch huam-chhungah Zu thlawrlai thahnem tak an man.

Chhekhnai Branch YMA Anti-Drug Squad te hian an thudawn bawhzuiin nizan hmasa khan IOC Veng leh Bilzel inkar-a NH. 54 hnuai lawkah heng Zu thlawrlai te hi an man a, Zu thlawr sa litre 20 vel an man bakah Zu bilhlai engemaw zat pawh man bawkin heng te hi a hmunah hian tichhiat nghal a ni a, heng bakah hian Zu siamna hmanrua Chini Kg. 20, Yeast, Meihawl leh Bel set 2 an man bawk a, heng an bungraw man te pawh hi a hmunah hian tichhe nghal vek bawk a, Zu thlawrtute erawh an insaseng hman thung a ni. Chhekhnai Branch YMA te chuan an Branch huamchhungah nasa takin Zu leh Ruihhlo khuah-khirh kawngah hma an la mek a, veng pawn atang Ruihhlo eng chi mah rawn keng lut a rawn ti lo turin mipuite an ngen bawk a ni.