UD&PA Deptt. kaltlangin Ek In sak tanpuina sem

/
Serchhip-a UD&PA Department chuan Individual Household Latrine (IHHL) kaltlangin tunlai hian Serchhip khawpui chhunga Ek In neilo te hnenah Ek In sak tanpuina an sem mek.
Khaw-pui chhunga cheng chhungkaw tin ten Ek In tha an neih vek theihna tura ruahmanna, Individual Hosehold Latrine (IHHL) kaltlang hian Ek In neilo tan dilna thehluhna hun hawn niin hemi chhunga tanpuina dawng tura thlan te hnenah tunkar Thawhlehni atang khan Ek In sak tanpuina hi sem a ni a tun tumah hian chhungkaw 1139 te hnenah tanpuina hi sem tura ruahman a ni.
Tun tuma Ek In sak tanpuina dawng turte hi Serchhip-I VC huamchhungah chhung-kaw 87, Serchhip-II VC huamchhungah chhung-kaw 128, Serchhip-III VC huamchhungah chhungkaw 94, Serchhip-IV VC huamchhungah chhungkaw 14, Serchhip-V VC huamchhungah chhungkaw 50, Serchhip-VI VC huamchhung ah chhungkaw 74, Serchhip VII VC huam-chhungah chhungkaw 100, Serchhip-VIII VC huamchhungah chhungkaw 46, New Serchhip South VC huamchhungah chhungkaw 142, New Serchhip North VC huamchhungah chhungkaw 133 leh Chhiahtlang VC huamchhungah chhung-kaw 271 te an ni.
Tun tumah hian Ek In sakna atan hian 1st Instalment Rs. 6000/- zel pekchhuah niin hemi hmang hian Ek In hi sak tur a ni dawn a, Ek In te hi an sak zawhfel hnuah 2nd Instalment Rs. 6000/- bawk pekchhuah leh an ni ang. UD&PA Department-a thawk te chuan Ek In sak tanpuina hi Ek In la neilo te mai bakah Ek In tha tawhlo siamthat ngai te leh In sak thar avanga Ek In neilo-a awm mek te tan pawh dil theih a nih thu an sawi a, Mizoram-a District hrang hrang zingah he tanpuina semchhuah hmasa ber an nih thu an sawi bawk a. He tanpuina sem tur atan hian kar kalta khan sum an dawn thu leh a theih anga an buaipui nghal thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »