Tripura-a Bru awmngheh avangin lawmthu sawi

Assembly Budget Session neih mekah Mizoram a\anga chhuak Bru te Tripura-a an inbenbel hlen theihna tura inremna siam a nih chungchanga lawmthu sawina Motion chu nimin khan pass a ni.

Zirtawpni apianga tih \hin angin nimin a Assembly rorel inkhawmah hian Private Member's Resolution sawiho a ni a, sawiho tura pawhfuh hi Lalrintluanga Sailo putluh, 'Tuikuk mahni duhthu-a Mizoram chhuahsanta te, Tripura State-a awm nghet tura kan Chief Minister zahawm tak hmalakna lo thlawhtling ta hi lawmawm kan ti,' tih a ni a. He Resolution hi sawiho a nih hma hian Chief Minister, Zoramthang chuan he resolution hi a thu siam\hat a rawt a, a rawtna ang hian, 'Bru mahni duh thua Mizoram chhuahsan ta te, Tripura State-a awm nghet tura Kohhran, NGO, Political Party hrang hrangte leh kan Chife Minister zahawm tak te hmalakna lo hlawhtling ta hi lawmawm kan ti,' tia sawiho a ni a, member 15 in an sawiho hnuah resolution hi lungrual taka pass a ni.

Motion sawihona ah hian Chief Minister, Zoramthanga chuan Bru te chungchangah anmahni hruaikir tumna \um tam tak a hlawhchham zel avangin Cabinet Meeting chuan hruai kir hna thawh chhunzawm tawh lo a rel a, hei hi Tripura-a an inbenbel hlen theihna chhan lian ber a ni, a ti a. Cabinet thutlukna chu a lo tlanglo palh a nih pawhin PIL hmanga Court-a thlen turin ruahmanna siam lawk vek a nih thu a sawi bawk.