Mamit - Bairabi 132kV Line siam hna thawk mek

Power & Electricity Department changtu Minister, R. Lalzirliana chuan 132 kV line Mamit - Bairabi siam mekah hna za a 40 zawh anih tawh thu House a hrilh.

Nimin-a Assembly inkhawm zawhna leh chhanna hunah rorellai member Mamit bialtu MLA, Er. H.Lalzirliana zawhna leh zawhbelhna chhangin Power changtu Minister, R.Lalzirliana chuan Mamit - Bairabi 132 kV line siam mek chu hna za-a 40 zawh tawh a ni a, March, 2021-ah zawh hman tum a ni a, Material supply-naah bill chu pek zawh loh a la awm a, hna erawh a chak thawkhat viau tih a sawi a, tunah hian Electric ban phunna tur 107 laih turah 88 laih tawh niin, 66-ah phun tawh a nih thu leh ban chhun theih, la chhun zawhloh hmun 4-ah a la awm thu a sawi bawk.

Eptu member, Vanlalhlana’n a bial Aizawl North-I huamchhung ah Electric banin a la thlen loh avanga Electric Connection la neilo an awm thu sawiin, Line Extension tih theih a ni ang em? tih a zawh belhna chu P&E Minister, R. Lalzirliana chuan tih theih tura ngaih chu a nih thu leh a theih ang anga hmalak chhoh zel a nih thu in a chhang bawk.