Latest News

MLA hlui C. Sangzuala boral

Mizoram sawrkar-a MLA hlui, C. Sangzuala chu Pathianni zan dar 9:25 khan LRM Hospital ICU-ah boralin nimin khan a chenna, Chaltlang Veng-ah vuiliam a ni.
C. Sangzuala hi Tualbung khawchhuak niin Synod Publication Board-ah hun rei tak a thawk a, Synod News Letter-a 'Ralvengtu' tih hi a duanchhuah niin mi tam takin a mah an hriatna pakhat a ni a. A pension hnuah politics khelin kum 1998-ah MNF party a zawm a, MLA inthlanpui ah Aizawl South-II bial-ah MLA atan thlantlin a ni a, Dy. Chief Whip hna a chelh tawh bakah Mizo Customary Law Committee Chairman leh Mizoram Social Defence and Rehabilitation Board Chairman hna te a lo chelh tawh bawk a ni. C. Sang-zuala hian ama pualin lehkhabu 27 a ti chhuak hman a, lehkhabu 9 letlingin Seminar paper 60 chuang a lo present tawh bawk a. Kohhran-ah hian dinhmun pawimawh tak tak alo chelh tawh bawk a ni.

Comments

Popular News (Last 30 Days)