Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Serchhip-I VC Team ten an khingpui an sawp chhunzawm

Lalmalsawma Memorial MFA Inter Village Futsal Tournament 2020 khelh mekah nizan hmasa khan Serchhip-I VC Futsal Team te chuan an khingpui hnehin 3rd Round an thleng ta.
Malsawma's Yard, Durtlang Leitan-a khelh mek Lalmalsawma Memorial MFA Inter Village Futsal Tournament 2020-ah hian Serchhip atangin Serchhip-I VC Futsal Team te hi telin an match hmasa berah Ramhlun South LC chu 10-1 a sawpin Second Round an lut a, nizan hmasa khan Second Round khelin an khingpui Tanhril LC chu 10-5 a hnehin 3rd Round an lut a, Serchhip-I VC Futsal Team tan hian David Lalawmpuia chuan goal 5 khungin Johny Lal-remruata leh Jerry Laldikkima ten goal hnih ve ve khungin Vanlalruata chuan goal khat a khung bawk a ni.
Serchhip-I VC Futsal Team hian karleh Nilaini khian Third Round hi an khel dawn a, chawhnu dar 2:00-ah Chhinga Veng LC B Team chu an hmachhawn leh dawn a ni.

Comments

Chhiar Hlawhte