Serchhip MLA in Bawng-chawm tlang a tlawh

/
Serchhip bialtu MLA, Lalduhoma chuan naktuk mai-a International Paragliding Accuracy Championship-2020 neihna tur hmun Bawngchawm tlang chu nimin khan tlawhin helai hmun atang hian a thlawkchhuak nghal.
International Paragliding Accuracy Championship-2020 neih tur hmun, Serchhip Bawngchawm tlang a tlawhna ah hian bialtu MLA chuan Serchhip khaw-chhung atanga hnaite ah hetiang hmun rem tha, khawvel hriat ni tur huaihawt theihna a lo awm chu lawmawm a tih thu leh, hma lo la a sul lo sutu Mizoram Aerosport Serchhip leh Aizawl lama hruaitute fakawm a tih thu a sawi a. Hei hi thalaite eizawnna siamtu tur, khualzin hipna leh infiamna changkang taka Mizoram pholangtu tur a ni tiin, Organising Committtee Member a telh a ni ve lo chung pawhin a MLA Fund hmangin a thlawhchhuahna tur bul, Motor dinkhawmna-ah Chawlhbuk a saktir ve thu a sawi bawk.
Serchhip bialtu MLA hi Bawngchawm tlang atang hian thlawkchhuakin minute 17 chhung a thlawh hnuah Zawlpui phai-a a tumna tura ruahman ah a tum leh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »