PAMRA hriatthiam sak turin mipuite an ngen

Peace Accord MNF Returnee Association (PAMRA) chuan Mizoram Sawrkar-a In sak tanpuina kum 30 liam tawh hnu thleng a an la dil lo hriatthiam sak turin an ngen.

Hemi chungchanga thuchhuah an siamah Peace Accord 1986 vanga MNF Returnee’s pawl, PAMRA chuan kum 1988 kum bul khan Sawrkar laipui chuan In sak nan cheng nuai 175 Mizoram Sawrkar a rawn pek thu leh khang lai khan sum hlutna la san nen, Mizoram Sawrkar in Sawrkar laipui dan siam pawisa lovin a chin darh sakin an khawih chingpen ta niin an tarlang a. “Kan harsatna thusawi te hrelo chuan min dem tawk in awm thin a, in hriatthiam loh vangin awm pawh kan ti a, a nihna tak ah chuan Mizoram Sawrkar an demawm hle a ni. Khami avang khan In pawh kan chanvo angin kan nei thei ta lo a ni,” an ti a. Hei vang hian sawrkar laipui-ah pawh an harsatna hi an thlen fo thu leh tunah hian theihtawp chhuaha hma an lak mek thu pawh tarlangin, Mizoram sawrkar pawhin Rehabilitation & Resettlement Board a din tak thu leh DM&R Budget-ah pawh Zem kual-in a mawngphah chang nuai 500 dah a ni chu lawmawm an tih thu an tarlang bawk.