KTP General Conference neih mekah Palai 15,487 an inziaklut tawh

/
Kristian Thalai Pawl (KTP) General Conference vawi 58-na chu neih mek niin nimin tlai dar 3:00 thleng khan Palai 15,487 an inziaklut tawh.
KTP General Conference neih mekah hian nimin chawhma lam khan Pandal-ah Upa Lalsiammawia Pachuau, Committee Member, Central KTP kaihhruaiin Rawngbawlna Report Inkhawm neih a ni a, he hunah hian General Secretary Report, Finance Report leh Bial Report khaikhawmna te ngaihthlak a ni a, Report atanga a lan danin KTP hi Bial 207 dingin heng zinga 192 hi Mizoram chhung ami niin a bak 15 hi Mizoram pawn ami a ni thung a, Branch 879 a ding mek a, Member mipa 95,729 leh Hmeichhia 58,712, an vaiin 1,54,441 an awm mek a, kum hmasa aia member punna hi 3158 a ni a, Conference leh Conference inkar ah KTP Branch ding thar 14 a awm bawk.
Bial Report khaikhawmna atanga a lan danin Bial pakhat-a KTP member tamna ber chu Ramhlun North Bial niin member 2370 an awm a, Member tlemna ber bial chu Buarpui niin member 41 an awm bawk. Kum 2019 chhung khan KTP member boral mi 453 awmin heng zinga 386 te chu mipa niin hmeichhe thi mi 70 an awm a, member thi zawng zawng atanga zaa 85.20 hi Mipa an ni a, member thi awmlohna Branch 54 a awm bawk. Inneih chungchangah kum 2019 chhungin KTP member inneih 3537 awmin Biak In-a inneih 1584 awmin Hmundang-a inneih 1953 an awm a, Inneih zawng zawng atanga chhutin Biak In-a Inneih hi 44.78% a ni a, kum hmasa aiin 1.35% in a pung hret a ni. Kum 2019 chhung khan Bial huap chanchinbu chhuah thei Bial 40 an awm a, Branch chanchinbu chhuah thei 482 an awm bawk a, Bial hminga Missionary chawm 430 leh Branch in Missionary an chawm 3398 awmin Bial leh Branch Missionary chawm zawng zawng hi 3828 a ni a, kum hmasa aiin 402 zetin Missionary chawm hi an pung a ni.
He Conference neih mekah hian Vawiin hian Serchhip Kawnpui Kohhran Biak In-ah zing dar 9:00-ah kum 2020-2022 chhunga Central KTP hruaitu thlanna neiin dar 10:00 atangin Rorel inkhawm neih zui a ni anga, Rorel hlan hian Pandal lamah Variety Programme hman a ni bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »