Serchhip khawpui-ah Solar Light bun hna kalpui mek

General Insurance Corporation (GIC), Mumbai in Corporate Social Responsibility (CSR) sum an ruahman hmangin tunlai hian Serchhip khawpui chhung Veng hrang hrangah Solar Light vuah hna kalpui mek a ni.

Mumbai-a awm General Insurance Corporation (GIC) in Corporate Social Responsibility (CSR) sum an pek hmang hian kum 2016 khan Serchhip khawpui chhung hmun hrang hrangah Solar Light vuah hna hi kalpui ni tawhin hemi tuma rawn thleng hmanlo te hi tunhnai khan rawn thleng lehin Serchhip DRDA hmalakna in khawpui chhung hmun hrang hrangah vuah chhoh mek a ni.

Thudawn danin tun tumah hian Solar Light 161 rawn thlengin hemi dahna tur hian VC tin te chu an huamchhunga an ngaih pawimawh te thehlut tura tih an ni a, heng an ngaih pawi-mawh an thehluh bakah hian sawrkar leh vantlang hmun pawimawh ah te dah tura ruahman niin rawtna thenkhat chu tih danglam leh a ni a, tunah hian Serchhip-I VC huamchhung atanga bul tanin a tahtawla hmalak chhoh zel tur a ni dawn a, hemi hmalam hian Serchhip in Para-Gliding intihsiakna a thlenna tur hmunah Solar Light hi 10 zet bunfel a lo ni tawh bawk a ni.