Serchhip District in lawmman pakhatna dawng

Pradhan Mantri Matru Vandana Yojana (PMMVY) hna thawk tha lawmman semna chu nimin khan New Delhi-ah neih niin Serchhip District chuan rampuma hna thawk tha lawmman pakhatna a dawng.
Nimin khan New Delhi-a The Ashok Hotel-ah Pradhan Mantri Matru Vandana Yojana (PMMVY) hnuaia hna thawk tha te chawimawina hun hi hman a ni a, he hunah hian Serchhip District chuan India rama PMMVY Scheme hman tan a nih, January 1, 2017 atanga hna thawk tha ber lawmman a dawng a, he lawmman hi Women & Child Development Minister, Zubin Irani hnen atangin Serchhip District Bawrhsap, Dr. Lalzirmawia Chhangte IAS, Vanlalpianpuii, Director, Women & Child Development leh F. Hmingthankimi, PMMVY Serchhip District Programme Co-ordinator ten an dawng a ni. PMMVY scheme hi Nu fatir pai/pawm te ttnpuina tura sawrkar laipuiin a duan niin, he scheme hnuaiah hian Nu fatir pai ten tanpuina pawisafai Rs. 5,000 thleng an dawng thei a ni. Tun dinhmunah Serchhip District-a Nu fatir pai/pawm 1,812 hnenah Rs. 77,66,000/- semchhuah tawh a ni.

Comments

Chhiar Hlawhte