Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

NDA zawmna chhu chat vek tawh niin sawi

MPC Party chuan MNF tihloh Mizoram-a tualto party dang zawngte chuan NDA an zawmna an chhu chat vek tawh tih an sawi.
Nimin-a thuchhuah an siamah MPC Party chuan tun thla ni 7-a MNF President leh Chief Minister, Zoramthanga’n Aizawl Mizo Hnam Run-a thu a sawina ah MPC President, Lalhmangaiha Sailo chu National Democratic Alliance (NDA) Group-ah Vawiin thlenga la tel ang a a sawi chuan Mizopa daw thei tak, thutak pailo anih zia a tilang chiang hle ah an ngai tih an tarlang a. Kum 2014 MP Election-a MNF, MPC leh ZNP ten candidate intawm, Robert Romawia Royte an neih tum khan National Democratic Alliance (NDA) te nen thawhhona neih a ni tih tarlangin, MP Election result puan atang khan MNF Party tihloh Mizoram-a tualto party dang zawngte chuan NDA an zawmna an chhu chat vek tih an tarlang a. MNF Party ten BJP te thurualpuia an neih luih tlatna laka inhliahkhuh nan leh mipui-a thiamchan tumna niawm taka Vawiin thlenga NDA nen la inzawm anga MPC Party te an sawi lui talh chu sim tawh turin an chah bawk

Comments

Chhiar Hlawhte