Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Para-Gliding ah man chawia chuan theihna siam

Nimin atang khan Serchhip Chuanhnuai a International Paragliding Accuracy Championship 2020 neih na turah a duh apiang tan man chawia chuan chhin theihna hun hawn tan a ni a. Hemi atan hian Pilot mipa pahnih, Himachal Pradesh leh Sikkim atanga rawn kal te chuan niminpiah khan Serchhip an rawn thleng a, nimin atang khan heng Pilot te hian a duh apiangte chu an phur a ni.

Ruahman ang chuan Pilot hian nikhat ah Passenger 6 ve ve an phur hman anga, chuan-man hi mi pakhat ah Rs. 2000/- zel a ni anga, Pilot te hian an passenger te an thlawh kual pui chhung hian Video Coverage ti thei nghalin, hemi ti tel duhte tan chuan Rs. 500/- chawibelh a ngai dawn thung a, chuang duhte chu Kg. 110 aia zang an nih a ngai thung a ni. Hetianga Joy Ride buatsaih ni intihsiakna neih hma chuan tih chhoh zel tura ruahman a ni.

Comments

Chhiar Hlawhte