Naupang huaisen te kawm

Indian Council For Child Welfare(ICCW) in kumin January thla a Mizo naupang 3 Bravery Award an hlan te chu nimin khan Mizoram Governor chuan kawmin chawimawina thuziak leh lawmpuina sumfai a hlan.
Raj Bhavan Banquet Hall-a Larsap in heng naupangte a kawmna ah hian Larsap chuan Mizo naupang huaisen 3, ICCW Bravery Award la thei an awm chu lawm-awm a tih thu a sawi a. Heng Mizo naupang huaisen te hian Mizote chu tunhma atanga hnam huaisen, mahni inngaihtuah hmasa lova tanpui ngai te tanpui nghal thin, thian chhan thih ngam an ni tih a ti lang chiang hle a ni, a ti a. Naupang huaisen te hian midangte tan entawn tur ropui tak an siam bakah Mizoram an ti hming tha hle a ni, a ti bawk. Naupang huaisen 3, Governor hnen atanga lawmpuina dawngtute hi Lallian-sanga s/o F. Lalruatfela (18), Phullen; Vanlal-hriatrenga s/o Lalhmunsanga (14), Sairang Dinthar leh Carolyn Malsawmtluangi d/o Zoramthan-mawia (12), Zuangtui Veng te an ni.

Comments

Chhiar Hlawhte