NH. 54 siamthat hna tan

Serchhip khawpui chhunga National Highway-54 chhia siamthat hna chu nimin khan thawh tan a ni ta.

NHIDCL enkawl Serchhip khawpui chhunga NH. 54 kaltlang hi tunhnaiah siamthat hna thawh tumin harsatna hrang hrang ten tlakbuak mah se nimin khan siamthat hna hi thawh tan a ni a, he kawngpui siamthat a nih theihna atan hian New Serchhip Venglai Branch YMA leh VC te chuan hnathawktu tur hi zawn sakin heng mite hian nimin khan New Serchhip Venglai huam-chhung ah hna hi an thawk tan a, nimin-a hna thawh tan ni hian Inrinni kalta a kawngpui khuar zual hnawhna tura kawng siam hna thawktu tur, Gammon India Ltd. in leivung an lo hnawh tawh chu thiarchhuah leh niin kawng khuar zual te hi Alkatra leh Rora hmanga hnawh nghal tur a ni dawn a ni. Hetihlai hian helai hmuna kawng siam hna thawk tura hlawhfa te hi New Serchhip Venglai huamchhung ami te deuh vek an nih avang leh anni hian Veng dang huamchin ah hna an thawk zui thei dawn em tih hriat a nih loh avangin hna kal zel dan tur erawh hriatthiam a har tih kan thudawnna chuan a sawi bawk a ni.