Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Registrar of Marriage ten Annual Training an nei

Serchhip District chhunga Registrar of Marriage te tana kumtina an hnathawh dan inzirtirna neih thin chu kumin atan nimin khan Serchhip-ah neih a ni.
Serchhip Sub-Hqrs. YMA Committee Room-a Annual Training for Registrar of Marriage hi Law & Judicial Department-a Registrar of Marriage atangin Lalfeli, Head Assistant chuan a rawn hmanpui a, Mizoram District hrang hrangah Registrar te tana an hnathawh dan intuaitharna an neih thin chu District hrang hrangah neih chhoh mek a nih thu a sawi a. Registrar of Marriage te chu khaw tinah Zirtirtu, Zirtirtu zingah pawh a rintlak thlanchhuah te an nih thu sawiin, an hna pawh uluk taka thawk turin a chah a. Inneih Certificate pekchhuah thin chu tunhma lamin a pawimawhna awm vaklo mah se tunah chuan kawng hrang hrangah a pawi-mawhna a tam tawh avangin uluk taka pechhuak turin he huna kalkhawmte chu a chah bawk.
Kumin hian Serchhip District-ah Registrar of Marriage thar pakhat an awm thu leh tunah hian District pumah Registrar of Marriage hi 40 awmin Mizoram-ah 733 an awm mek thu a sawi a. Registrar of Marriage te chu Mizoram Compulsory Registration of Marriage Act 2007 hnuaia inneih thar an chhinchhiah te report felfai taka pe thin tura chahin, chhinchhiah thar an awm loh pawhin Nil report tal thehlut turin a chah bawk. Nimin a he Training-ah hian Serchhip District chhunga Registrar of Marriage te bakah Lunglei District atanga rawn kal remchang khaw thenkhat a Registrar te pawh an tel bawk a ni.

Comments

Chhiar Hlawhte