Valentines Day pualin thisen Unit 1,114 pek a ni

Zirtawpni khan Mizoram District hrang hrangah Valentine's Day pualin Association for Voluntary Blood Donation (AVBD), Mizoram State AIDS Control Society (MSACS) leh Blood Bank-te tangrual chuan thisen pek rûnpui an huaihawt a, Mizoram thisen Unit 1,114 pek a ni.
Association for Voluntary Blood Donation (AVBD) President, C. Lalnunnema chuan, Valentine's Day-a thisen pek chu kum 2010-ah tih tan a nih thu leh kum 2015 atangin District dangah pawh neih thin a nih thu a sawi a, kum 2010 atanga 2019 inkarah Valentine's Day pualin thisen Unit 6,211 pek a nih tawh thu a sawi. AVBD President chuan, sawrkar kum kal mek 2019-2020 chhunga April 2019 - January 2020 inkarah thisen Unit 25,337 pek a ni tawh a, Chu'ng zinga zaa 89.91 chu voluntary donation a ni tih sawiin, Sorkar kum kal mekah hian voluntary donation-a pek an tum zat chu 100-a 90 a ni a, hei hi tlin theih an beisei thu a sawi bawk.
Kumin a Valentines Day puala District hrang hrang-a Thisen pek te chu Aizawl-ah Unit 443, Synod Hospital-ah Unit 41, Referral Hospital-ah Unit 73, Mamit-ah Unit 28, Champhai-ah Unit 113, Kolasib-ah Unit 94, Serchhip-ah Unit 64, Lunglei-ah Unit 130, Lawngtlai-ah Unit 63, Siaha-ah Unit 64 a ni.

Comments

Chhiar Hlawhte