Kolasib-ah Rabi Mela buatsaih a ni
Nimin khan District Agriculture Office Kolasib hmalakna in Circuit House Complex, Kolasib-ah Rabi Mela buatsaih a ni a, Kolasib District Bawrhsap, Sangchhin Chinzah chuan khuallian niin a hmanpui a ni.
Rabi Mela hawnna hunah hian Kolasib District Bawrhsap chuan Damdawi tel lo a thlai tharchhuah te chu khawvel hmun hrang hrang ami te ngaihsan a nih mek thu sawiin, Mizoram leilung hausakna hmang hian Organic Farming nasa zawk a kalpui uar zel a pawimawh thu a sawi a. Thlasik lai a kan ram neihte dah awl mai lova, rampawn atanga lakluh ngailo tura heng thlasik thlai te hi kan ram ngei a kan tharchhuah ve a tul thu a sawi bawk.
Agriculture Department hnuaiah hian RKVY, NFSM leh Scheme dangte kaltlangin Thlasik thlai chin kawngah hmalakna kalpui thin a ni a, Rajmah, Field Pea, Vaimim, French bean leh Tel antam te chin thin a ni. Loneitu thlanchhuah te hnenah thlasik thlai chin turte pek niin tui pekna tur pipe, Water Pump set leh Water harvesting structure te a tul anga ngaihtuah sak thin an ni bawk.
Nimin-a Kolasib-a Rabi Mel-ah hian Kolasib District chhunga Zau hrang hrang atanga loneituten thlasik thlai an tharchhuah te chu Stall 19 ah man tlawm zawk a lei theihin an phochhuak a, Florist Stall 4 leh Insecticides Stall 2 a awm bawk a ni.
Comments
Post a Comment