HSSLC Exam neih tan a ni

Higher Secondary School Leaving Certificate (HSSLC), Pawl 12 Exam chu nimin khan Mizoram pumah neih tan niin Serchhip-ah pawh Exam hi neih tan a ni.
Mizoram Board of School Education (MBSE) hnuaia HSSLC Exam hi Ser-chhip Centre, Govt. H/S Serchhip-ah pawh neih niin School 3- Govt. HSS Serchhip, Brilliant HSS Serchhip leh Eklavya Model Residential School (EMRS) te an Exam a, a pumpui-ah Exam Form Fill-up 263 atangin zirlai 260 te an exam a. Arts-ah zirlai 190 ten Exam Form fill-up in Exam lo 3 an awm avangin mi 187 an Exam a. Science-ah zirlai 60 ten Exam Form Fill-up in an Exam vek a, Commerce-ah zirlai 13 ten Exam Form Fill-up in an Exam vek bawk. Nimin khan English Subject Exam niin March thla chhung hian Subject hrang hrang Exam in March 30-ah Exam hi an zofel dawn a ni.
Nimin a Exam neih a nih hma hian Practical Exam neih ngai te chuan kar kalta khan an lo Exam tawh thung a, Practical Exam-ah hian Serchhip-a zirna In te bakah Hnathial atangin zirlai naupang 6 te an rawn exam bawk a ni.

Comments

Chhiar Hlawhte