Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

District Hospital tlawh

Adviser to Chief Minister, C. Lalramzauva chuan nimin zing khan Serchhip District Hospital a tlawh.
Serchhip District Hospital-ah hian mipui te mamawhna nasa tak vangin khum 5 awm theihna tur ICU Ward chu siam mek a ni a, hei bakah hian Casualty awmna pawh siamrem tur a ni a, heng te hi kumin chhungin hman theiha peih hman beisei a ni a, nimin zing-a Adviser to Chief Minister in Hospital a tlawhna ah hian damdawi In-a thawktute nen Hospital hmasawn zel theihna tihchangtlun dan turte an sawiho bawk.
Serchhip District Hospital hi khum 60 awmna niin khum awllai a awm mang lo a, nimin zing-a Adviser to Chief Minister in a tlawh lai hian damlo mi 40 awm mekin naupiang thar 4 an awm bawk a, heng te hi Adviser to CM hian a tlawhkual bawk a ni.

Comments

Chhiar Hlawhte