Press Tour-a kal ten tlawh

Mizoram sawrkar Information & Public Relation Department buatsaih Press Study Tour : Kerela tlawha kal mekte chuan nimin khan Thiruvananthapuram atanga KM 117 zeta hla Beekeeping Consortium and Training Centre, Kerala State Horticulture Products Corporation (Horti-corp) enkawl Mavelikkara hmun chu an tlawh.

Beekeeping Consortium and Training Centre hi Acres 3 vel-a zau niin Khuai khawi zir nan leh research beih nan an hmang tangkai hle a, kumkhat chhungin Khuai khawi zir mi 3000 vel an awm thin a ni. Khuai khawitute pawhin an mahni khuaizu te chu he Centre-ah hian Kg. 1 Rs. 13/- in an Process tir thin a, chu chuan man man zawkin khawizu an hralh theih phah thin a ni.

He Press Tour-a kal te hian niminpiah khan Thiruvananthapuram-a Secretariat tlawhin, Secretariat hmuna awm, UV. Jose, IAS, Director I&PR Department, Govt. of Kerela leh Information Officer dangte chuan lo dawng-sawngin an inkawm a, Kerela sawrkarin Journalist te tana an hmalakna leh hnathawh hrang hrangte zawtfiahin, Kerela-ah hian Accredited Journalist 921 lai an awm a, Accredited Journalist te hi State chhungah Kerela State Road Transport Corppration (KSRTC) bus-ah a thlawn vekin an zin kual thei a, Train Ticket-ah 50% concession pek an ni bawk.

Media person te pualin kumkhatah Health Insurance Scheme atan cheng nuai 25 dahsak an ni a. Journalist te pual hian Housing Subsidy sawrkarin cheng nuai 1 a pe thin a, hei hi cheng 1,50,000/- tisang turin proposal siam mek a ni bawk. Journalist Welfare Pension Scheme hi kum 1993 atangin an lo kalpui tawh a, Journalist te hian thlakhatah Rs 300/- zel contribution neiin category 3-ah thenin, Pension hlawh hi category a zirin Rs 10,000/- a ni a, Family pension thlengin an nei a ni.