EMRS 11 din phala hmu tawh

Mizoram in Eklavya Model Residential School (EMRS) 11 din phalna a hmuh tawh bakah a dang 5 din belh tura hmalak mek a ni tih Social Welfare Minister Dr K Beichhua chua a sawi.

Nimin a Assembly inkhawm ah Social Welfare Minister chuan EMRS hi Ministry of Tribal Affairs in hnam hnufual zawkten zirna tha an dawn theihna tura a ruahman a ni tih sawiin, zirlaiten a thlawn vekin lehkha an zir thei a, RD Block huamchhung Tribal mi 20,000 tal an awmna, Scheduled Tribe mi zaa 50 an awmna ah chuan din theih a ni tih a sawi a. Dr. K. Beichhua sawi danin Mizoram in EMRS din phalna a hmuh tawh 11 atang hian Lunglei Pukpui ami leh Serchhip Kawlri Tlang ami ah te zirna kalpui mek a ni tawh a, Mizoram sawrkar chuan hmundang 5 a din belh leh tumin a hmun tur a tifel leh mek bawk a ni.